មេរៀនទី១ ការបបួលរបស់មិត្តភក្តិ
១. ការបបួល
តើការបបួលជាអ្វី ?
ការបបួល ជាការហៅឱ្យគេធ្វើតាមដូចជា
ទៅជាមួយខ្ញុំទៅ
មកពួកយើងទៅសាលារៀន ។
ជក់បារីមួយដើមមិនអាចធ្វើឱ្យអ្នកខូចសុខភាពបានឡើយ ។
ការបបួលរបស់មិត្តភក្តិមានច្រើនបែប ។ ពេលខ្លះអ្នកបបួលប្រើពាក្យសម្តីទន់ភ្លន់ ពេលខ្លះជាការគំរាមកំហែង ឬបង្ខំឱ្យយើទៅតាម ឬធ្វើតាម ។ ដូចជាការហៅឱ្យទៅសាលារៀន
ការហៅឱ្យទៅជាមួយគេដោយគ្មានគោលដៅ ការបបួលមានការលួងលោមឱ្យសាកល្បងជួកបារីជាដើម ។
ការបបួលខ្លះនាំយើងឱ្យធ្វើអំពើល្អត្រឹមត្រូវ ប៉ុន្តែការបបួលខ្លះទៀនក៏នាំយើងជក់បារីដែលនាំឱ្យខូចសុខភាព ។ ដូចនេះ យើងត្រូវប្រយ័ត្ន និងពិចារណារាល់ពេលជួបប្រទះនឺងការបបួលរបស់នរណាម្នាក់ ។
២. ការបបួលប្រកបដោយប្រយោជន៍សម្រាប់កុមារ
ដើម្បីផ្តល់ប្រយោជន៍ដល់ការសិក្សា តើយើងត្រូវនាំមិត្តភក្តិធ្វើអ្វីខ្លះ ?
នាំមិត្តឱ្យចូលរៀនជាមួយគ្នាទាំងពេលនៅក្នុងថ្នាក់ ក្នុងក្រុមសិក្សា និងពេលស្រាវជ្រាវ ។
ជួយពន្យល់គ្នានៅពេលមិត្តមិនទាន់យល់
ជួយលើកទឹកចិត្តគ្នានៅពេលមិត្តជូបបញ្ហា និងនាំគ្នាធ្វើលំហាត់ទាំងអស់គ្នា ។
ក្នុងសាលារៀន សហគមន៍ ឬសង្គម កុមារមិនអាចរស់នៅម្នាក់ឯងបានឡើយ ។ កុមារតែងមានទំនាក់ទំនងជាមួយគ្នា និងនាំគ្នាធ្វើអ្វីដែលជាប្រយោជន៍ដល់ខ្នួន និងដល់មិត្តភក្តិ ។
ការធ្វើបែបនេះជាអំពើមួយដែលនាំមិត្តឱ្យរិកចម្រើន និងក្លាយជាសិស្សពូកែទាំងអស់គ្នា ។
តើអ្នកធ្លាប់បបួលមិត្តភក្តិធ្វើអ្វីខ្លះ ដែលជាប្រយោជន៍ដល់គ្រួសារ សាលារៀន សហគមន៍ ឬសង្គមរបស់អ្នក ?
៣. ការបបួលប្រកបដោយគ្រោះថ្នាក់ដល់កុមារ
តើពាក្យបបួលដែលប្រកបដោយគ្រោះថ្នាក់ទៅលើកុមារមានអ្វីខ្លះ ?
ពាក្យបបួលទាំងនោះច្រើនដូចជា
អ្នកគួរតែធ្វើទៅគេគ្រប់គ្នាក៏ធ្វើដែរ ។
ផឹកមួយកែវបានហើយបើអ្នកមិនផឹកវានោះអ្នកនឹងមិនដឹងវាមានរសជាតិដូចម្តេចទេ ។
ក្មេងជាច្រើនបានធ្វើអ៊ីចឹង ។
ឲ្យបា្រក់មកខ្ញុំ ដើម្បីខ្ញុំយកទៅទិញស្ករគ្រាប់ ។
តើអ្នកចង់ទៅដើរលេងនៅមាត់ទន្លេជាមួយខ្ញុំទេ?
ធ្វើវាតែម្តងទេកុំភ័យ ។
គេនឹងមិនចាប់យើងទេ?
បើអ្នកមិនធ្វើវា ខ្ញុំនឹងប្រាប់គេថាអ្នកខ្លាច ។
មកនេះ ខ្ញុំនឹងដឹកអ្នកត្រឡប់ទៅភូមិវិញ ។
កុមារភាគច្រើនចូលចិត្តការលួងលោម ការសប្បាយ និងចង់ដឹង ចង់ឃើញ ចង់ភ្លក្សរសជាតិ ចងសាកល្បងពីអ្វីដែលគេហាម ។
ចំណុចអាំងអស់នេះ ជាហេតុធ្វើឲ្យអ្នកបបួលដែលជាជនខិលខូចងាយប្រើល្បិចចម្រាប់នាំកុមារឲ្យធ្វើខុសច្បាប់ ។
ដូចនេះ អ្នកមិនត្រូវធ្វើតាមការបបួលរបស់នរណាម្នាក់ឡើយ បើអ្នកជួបការបបួលបែបណាមួយនោះ អ្នកត្រូវចៀសវចេញឲ្យឆ្ងាយ និងប្រាប់ទៅអ្នកណាដែលអាចជួយអ្នកបាន ។
៤. គ្រោះថ្នាក់ផ្សេងៗដោយសារការធ្វើតាមការបបួល
មិត្តភក្កិមានពីរប្រភេទ មិត្តខ្លះនាំយើងឲ្យរីកចម្រើន គឺខិតខំរៀនសូត្រហៅថាមិត្តល្អ ។ មិត្តខ្លះទៀតនាំឲ្យយើងទៅរកសេចក្តីអន្តរាយផ្សេងៗ
បណ្តាលឲ្យមានគ្រោះថ្នាក់ដល់ខ្លួន ដល់គ្រួសារ និងសង្គម ហៅថា បាបមិត្ត ។
តើគ្រោះថ្នាក់អ្វីខ្លះ ដែលកើតឡើងដោយសារការធ្វើតាមការបបួល?
ការធ្វើតាមការបបួលរបស់មនុស្សមិនល្អអាចបង្កឲ្យយើងជួបគ្រោះថ្នាក់ជាច្រើនដូចជាៈ
យើងមិនបានចូលរៀនទៀងទាត់
យើងទទួលរងការសម្លុត ឬការវាយធ្វើបាបលើរាងកាយ
យើងនឹងត្រូវគេនាំយកទៅលក់ម្លាំងពលកម្ម ។
យើងនឹងក្លាយជាកុមារចេះលួចចេះកុហកបោកប្រាស់ ។
យើងនឹងមានជំងឺញៀនបារី ស្រាគ្រឿងញៀនផ្សេងៗ ។
៥. វិធីការពារខ្លួននិងការឆ្លើយបដិសេធរបស់កុមារ
តើយើងត្រូវធ្វើដូចម្តេចដ់ើម្បីចៀសវាងពីការគំរាមកំហែង?
មិនត្រូវធ្វើ ឬទៅតាមគេបញ្ជានោះទេដោយនិយាយថា "សុំទោសខ្ញុំមិនអាចទៅបានទេពីព្រោះខ្ញុំបានសន្យាជួយធ្វើការផ្ទះ "
មិនភ្លក្ស ឬសាកល្បងផឹងគ្រើងស្រវឹង ជក់គ្រឿងញៀនដោយនិយាយថា "អត់ទេ អរគុណខ្ញុំមិនញុាំទេ លាសិនហើយ"
ដើរចេញឲ្យឆ្ងាយពីអ្នកបបួលដែលនាំយើងទៅធ្វើអំពើមិនល្អ ដោយនិយាយថា "អត់ទេ អរគុណ ខ្ញុំចង់នៅធ្វើកិច្ចការសាលាជាមួយមិត្តភក្តិខ្ញុំខាងនោះវិញ" ។
ត្រូវប្រញាប់ទៅសាលារៀនដោយនិយាយថា "ទេ ! ខ្ញុំកំពុងទៅសាលរៀន"
វិធីការពារខ្លួនឲ្យរួចផុតពីការគំរាមកំហែងមានដូចជា ការឆ្លើយបដិសេធថា "ទេ" ការមិនធ្វើតាម ឬទៅតាមអ្នកបបួល ការប្រញាប់គេចចេញឆ្ងាយពីអ្នកបបួលការរត់រកអ្នកដទៃទៀតឲ្យជួយ... ។
មេរៀនសង្ខេប
ការបបួលខ្លះអាចផ្តល់ផលប្រយៅជន៍ដូចជា ការបបួល ឬការលួងលោមនាំយើងឲ្យខិតខំសិក្សារៀនសូត្រនោះ ជាសមក្មភាពដែលយើងគ្រប់រូបត្រូវធ្វើតាម
ព្រោះវាធ្វើឲ្យយើងមានទំនាក់ទំនងល្អ មានសុវត្ថភាព និងមានសមគ្គីភាពល្អប្រសើរជាមួយគ្នាទៅវិញទៅមក ។
ការបបួលខ្លះអាចធ្វើឲ្យមានគ្រោះថ្នាក់ដូចជា ការបបួលណាដែលនាំខ្លួនឯង និងនាំមិត្តភក្តិជួបនឹងផលវិបាកផ្សេងៗ ។
ការប្រព្រឹត្តិអំពើល្អ ជាសេចក្តីថ្លៃថ្នូរ ដែលនាំមកនូវភាពសុខសាន្តដល់ខ្លួឯង សាលារៀន និងសង្គមជាតិ ។
សំណួរ
ក. ចូរឆ្លើយសំណួរខាងក្រោមនេះ ។
- 1. តើអ្នកធ្លាប់ធ្វើតាមការបបួលរបស់មិត្តភក្តិដែរឬទេ? ហេតុអ្វី ?
- 2. តើមិត្តភក្តិរបស់អ្នកធ្លាប់បបួលអ្នកធ្វើអ្វីខ្លះដែលជាប្រយោជន៍ ?
- 3. បើមានគេបបួលអ្នកឲ្យសាកល្បងជក់បារី តើអ្នកធ្វើដូចម្តេច ?
- 4. បើមានគេបបួលទៅដើរលេង តើអ្នកឆ្លើយដូចម្តេចដើម្បីកុំឲ្យគេខឹង?
- 5. បើគេទាប្រាក់ពីអ្នក ដើម្បីយកទៅទិញអ្វីមួយ តើអ្នកឆ្លើយដូចម្តេច?
ខ. ចូរជ្រើសរើសចម្លើយដែលត្រឹមត្រូវ