មេរៀនទី៥ សិល្បៈនិងការច្នៃប្រឌិត
ការគូរគំនូរចម្លង
តើយើងត្រូវគូរគំនូចម្លងដូចម្តេច ?
ដើមប្បីគូកំនូរចម្លងយើងត្រូវ
គូររាងការេនៅពីលើរូបដើម
បែងចែកផ្ទៃការេជាក្រឡាការេតូចៗស្មើគ្នា
សរសេរលេខរៀងនៅជួរឈរ សរសេរអក្សរតៀងតាមជួរដេកនៃក្រឡានីមួយៗ
គូរក្រឡាការេលើប្រដាស់លាតមួយសន្លឹកដោយរក្សាចំនួនក្រឡាការេដូចរូបដើម ។
ការគូរគំនូរបំពេញ
តើយើងត្រូវគូរគំនូរបំពេញដូចម្តេច?
ដើម្បីគូរគំនូរបំពេញរូប យើងត្រូវ
មានរូបភាពចំនួន 2
មើលរូបភាពទី 2 រកមើលចំណុចដែលខ្វះ
បំពេញចំណុចដែលខ្វះដោយមើលរូបទី 1 ជាគំរូ ។
ការគូរគំនូរបំពេញនេះមានសម្ផារៈនិងរូបភាពផងដែរ សម្រាប់មើលនិងគូរបំពេញ ។
ការគូរគំនូរក្បាច់បូរាណខ្មែរ
នៅតាមជញ្ជាំងប្រាសាទ វត្តអារាម និងវត្ថុប្រើប្រាស់មួយចំនួនតែងមានក្បាច់ចម្លាក់បូរាណខ្មែរច្រើនប្រភេទប្លែកៗគ្នា មានក្បាច់អង្គរ ក្បាច់ភ្ញីទេស ក្បាច់ភ្ញីភ្លើង ក្បាច់ភ្ញីវល្លិជាដើម ។
ពណ៌ទឹក
ពណ៌ដើមនិងរបៀបលាយពណ៌ទឹក
តើពណ៌ដើមមានពណ៌អ្វីខ្លះ ?
តើយើងត្រូវធ្វើដូចម្តេចដើម្បីលាយពណ៌ឱ្យបានពណ៌ខុសពីពណ៌ដើម ?
ពណ៌ដើមមាន 3 ពណ៌ គឺក្រហម ខៀវ លឿង ។
បើចង់បានពណ៌ខុសពីពណ៌ដើមយើងត្រូវលាយពណ៌ដើមពីរពណ៌ ឬបីពណ៌បញ្ចូលគ្នា ។
បើចង់បានពណ៌ទឹកខ្វី ត្រូវយកពណ៌សលាយជាមួយ ។
បើចង់បានពណ៌ទឹកចាស់ ត្រូវយកពណ៌ខ្មៅលាយជាមួយ ។
របៀបផាត់ពណ៌ទឹក
ដើម្បីផាត់ពណ៌ទឹកឱ្យបានស្អាត យើងត្រូវ
ជ្រលក់ទឹកជក់ឱ្យសើមឈ្លីជាមួយពណ៌ឱ្យចូលសព្វក្នុងព្រុយជក់ ។
យកជក់ពណ៌ជក់នោះទៅគូរលើខ្សែគំនូរបន្ទាប់មកផាត់បំពេញក្នុងផ្ទៃរូប ។
ដូរជក់នៅពេលត្រូវដូរពណ៌ទឹក ។
យើងត្រូវរៀនផាត់ពណ៌ទឹកលើរូបដែលព្រាងលើប្រដាសរួច ដូចជារូបផ្លែឈើ ផ្កា ផ្ទាំងក្បាច់ ខ្សែ ក្បាច់ ឱ្យបានចេះស្ទាត់ ។
ការបិទរូបធ្វើផ្កា
ដើម្បីកាត់បិទរូបធ្វើផ្កា យើងត្រូវមានសម្ភារៈ គិតពីរបៀបគូរ របៀបកាត់ និងរបៀបបិទផ្គុំ ។
ការបត់ក្រដាស់ជា ផ្កាឈូក
យើងត្រូវរៀនបត់ផ្កាឈូកនៅលើក្រដាស និងលើកូនកន្សែង ឬកំណាត់ជូតមាត់ ជូតដៃឱ្យបានចេះស្ទាត់ ។
តម្បាញ
តម្បាញលើកមួយសង្កត់មួយ រាងត្រីកោណ
ក. សម្ភារៈ ក្រដាសពណ៌ពីរពណ៌ ឬស្លឹកចេក ស្លឹកដូង ស្លឹកត្នោត ជ័រកាវ បន្ទាត់ ខ្មៅដៃ ជ័រលុប កន្រ្តៃ កូនកាំបិត ។
ខ. របៀបកាត់
យកក្រដាសពណ៌មួយផ្ទាំងដែលមានរាងត្រីកោណ (1/2 ឬ 1/4 នៃរាងការេ) មកគូរបន្ទាត់ឈរឱ្យចន្លោះស្មើរៗគ្នា ។ រួចកាត់តាមស្នាមគំនូស ជាចម្រៀកៗកុំឱ្យដាច់ទុកគែមគ្រប់ជ្រុង ។
យកក្រដាសមួយផ្ទាំងទៀតរាងដូចផ្ទាំងទី 1 ដែរ តែត្រូវកាត់ផ្តាច់គែមចេញជាបន្ទះ ឬចម្រៀក ។
គ. របៀបត្បាញ
យកក្រដាសតូចៗ(ចម្រៀក)ដែលកាត់នោះ ទៅស៊កត្បាញលើកមួយសង្កត់មួយ ហើយតម្បាញឆ្លាស់ក្រឡាគ្នារហូតដល់ពេញ ។
បិទបន្ទះក្រដាសភ្ជាប់ទៅនឹងគែម រួចកាត់តម្រឹមគែមឱ្យស្មើជាការេស្រេច ។
តម្បាញលើកពីរសង្កត់ពីរ រាងរង្វង់មូល
ការត្បាញលើកពីរសង្កត់ពីរដូចការត្បាញលើកមួយសង្កត់មួយដែរ ។ ប៉ុន្តែត្រូវស៊កត្បាញបន្ទះលើពីរក្រោមពីរ ។