លក្ខណៈនៃរូបធាតុ
រូបធាតុទាំងអស់សុទ្ធតែមានលក្ខណៈសម្គាល់ ហើយភាគច្រើនតែងមានទំនាក់ទំនងរវាងគ្នានិងគ្នា ។
រូបធាតុច្រើនណាស់ដែលមានទំនាក់ទំនងនឺងតម្រូវការរបស់មនុស្សរួមមាន ជម្រក ទឹក ម្ហូបអាហារ ខ្យល់... ។ ប៉ុន្តែរូបធាតុដែលជាតម្រូវការចាំបាច់ប្រចាំថ្ងៃរបស់មនុស្សគឺ ទឹក ។
ដូចនេះយើងគប្បីស្វែងយល់ឱ្យបានច្បាស់ពីលក្ខណៈរបស់ទឹកដូចជា ៈ
1. ភាពរូបនៃទឹក
តាមការប្រើប្រាស់ទឹកប្រចាំថ្ងៃ យើងសង្កេតឃើញថា ៖
ទឹកជាវត្ថុរាវព្រោះវាអាចហូរបាន ។ វាមានរូបរាងប្រែប្រួលទៅតាមវត្ថុដែលផ្ទុកវានិងមានទម្ងន់ ។ ក្នុងធម្មជាតិទឹកជាអង្គធាតុរាវដែលមានពីរប្រភេទ គឺទឹកសាប (ទឹកទន្លេ ទឹកបឹង ...) និងទឹកប្រៃ ( ទឹកសមុទ្រ ) ។
នៅពេលយើងយកទឹករាវទៅដាក់ចូលក្នុងទូទឹកកក អស់រយៈពេលច្រើនម៉ោងទឹកនោះនឺងក្លាយទៅជារឹង ( ទឹកកក) ។ ដូចនេះទឹកក៏អាចជាវត្ថុរឹងបានដែរ ។
នៅពេលយើងយកទឹកទៅដាំឱ្យពុះ យើងសង្កេតឃើញចំហាយឧស្ម័នភាយឡើង ។ ឧស្ម័ននោះគឺជចំហាយទឹក ។ ទឹករាវអាចក្លាយជាឧស្ម័ន ។ ដូចនេះទឹកមានលក្ខណៈជាឧស្ម័ន ។
ដូចនេះ ទឹកមានរូបធាតុបីយ៉ាង គឺ រឹង ( ទឹកកក ) រាវ និង ឧស្ម័ន ( ចំហាយ ) ។ ទឹករាវនិងឧស្ម័នគ្មានរូបរាងច្បាស់លាស់ទេ ។ ប៉ុន្តែចំពោះទឹករឹង ( ទឹកកក ) អាចមានលក្ខណៈរូបច្បាស់លាស់ ។
2. វដ្តទឹក
យើងដឹងថា ទឹកអាចផ្លាស់ប្តូរភាពរូបបាន ។ តើនៅក្នុងធម្មជាតិទឹកអាចផ្លាស់ប្តូរភាពរូបដោយរបៀបណា ?
តើរូបភាពខាងលើនេះបង្ហាញពីអ្វី ?
រូបភាពនេះបង្ហាញពីដំណើរប្រែប្រួលភាពរូបនៃទឹក ។
នៅក្នុងធម្មជាតិ កម្តៅព្រះអាទិត្យធ្វើឱ្យទឹកហួតឡើងទៅលើហើយក្លាយជាចំហាយទឹក ។ បម្រែបម្រួលទឹកពីរាវទៅជាចំហាយហៅថា រំហួត ។ រំហួតកើតឡើង
នៅលើផ្ទៃទឹកនិងលើវត្ថុសើម ។ ការបំប្លែងនៃចំហាយទឹកទៅតំណក់ទឹកហៅថា កំណញើស ។ ពេលចំហាយទឹក្នុងបរិយាកាសទៅប៉ះនឹងធាតុអាកាសត្រជាក់ វាកកើតជា
ភ្លៀង ឬព្រិល ដែលធ្លាក់មកលើផែនដី ។ ការវិលចុះឡើងនៃទឹកបែបនេះហៅថា វដ្តទឹក ។
3. លក្ខណៈពិសេសរបស់ទឹក
ក្នុងចំណោមវត្ថុទាំងអស់ មានតែទឹកទេដែលមានលក្ខណៈពិសេសជាងគេ ព្រោះ ៈ
ក. ទឹកជារូបធាតុរំលាយ
ខ. ទឹកមានឥទ្ធិពល
ក្នុងជីវភាពរស់នៅប្រចាំថ្ងៃ យើងសង្កេតឃើញថា ទឹកអាចជ្រាបឆ្លងកាត់វត្ថុរឹងផ្សេងៗ ដូចជា ថ្ម ដីឥដ្ឋ ដីខ្សាច់ ... និងក៏អាចធ្វើឱ្យវត្ចុរឹងមួយចំនួន ដូចជាក្រដាស (សើមរហែក) ដែក (ច្រែះ ធ្លុះ)... មានលក្ខណៈខុសពីសភាពដើម ។
ដូចនេះ តឹកមានឥទ្ធិពលអាចហូរឆ្លងកាត់វត្ចុរឹងផ្សេងៗ និងក៏អាចធ្វើឱ្យវត្ថុរឹងមួយចំនួនមានលក្ខណៈខុសពីសភាពដើមរបស់វាបានទៀតផង ។
ជារួមទឹកជារូបធាតុមានលក្ខណៈពិសេស ព្រោះតឹកមានភាពរូបបី (រឹង រាវ ឧស្ម័ន) អាចរំលាយវត្ថុរឹង រាវ និងឧស្ម័ន ព្រមទាំងអាចហូរឆ្លងកាត់វត្ថុរឹងផ្សេងៗ និងក៏អាចធ្វើឱ្យវត្ថុតឹងមួយចំនួន
មានលក្ខណៈខុសពីសភាពដើមរបស់វាបានទៀតផង ។
មេរៀនសង្ខេប
ទឹកមានលក្ខណៈពិសេសព្រោះ ៈ
ទឹកមានភាពរូបបី គឺ រឹង រាវ និងឧស្ម័ន
ទឹកជារូបធាតុអាចរំលាយវត្ថុរឹង រាវ និងឧស្ម័នមួយចំនួនបាន
ទឹកធាចហូរឆ្លងកាត់វត្ថុរឹងផ្សេងៗ និងក៏អាចធ្វើឱ្យវត្ចុរឹងមួយចំនួនមានលក្ខណៈខុសពីសភាពដើមរបស់វាបានទៀតផង ។
សំណួរ
ក. ចូរជ្រើសរើសចម្លើយដែលត្រឹមត្រូវ ?
ខ. ចូរបំពេញពាក្យក្នុងប្រអប់នៃរូវខាងក្រោមនេះ ។
ការងារស្រាវជ្រាវ
