ចូរអានអត្ថបទ រួចឆ្លើយនឹងសំណួរខាងក្រោម ។
កថាខណ្ឌ
ក. បញ្ញត្តិកថាខណ្ឌ
កថាខណ្ឌ គឺជាល្បះមួយចំនួន ដែលសរសេរអំពីប្រធានបទមួយ ឬល្បះមួយក្រុមដែលមានទំនាក់ទំនងគ្នា ហើយនិយាយអំពីគោលគំនិតណាមួយ ។
ការចាប់ផ្តើមបន្ទាត់ គឹជាការចាប់ផ្តើមនៃកថាខណ្ឌ
ខ. គោលសំខាន់ៗនៃទម្រង់កថាខណ្ឌ
កថាខណ្ឌល្អមានលក្ខណៈដូចខាងក្រោម ៖
- មានការណែនាំខាងដើម ដែលផ្តោតទៅលើប្រធានបទ ។
- ល្បះទាំងអស់ក្នុងកថាខណ្ឌ ត្រូវបង្ហាញពីគំនិតមួយ ឬប្រធានបទមួយ ។
- គំនិត មានទំនាក់ទំនងគ្នា តាមលំដាប់លំដោយ ។ ល្បះនីមួយៗត្រូវភ្ជាប់គ្នាដោយពាក្យភ្ជាប់សេចក្តី ។
- ផ្តល់សេចក្តីលំអិតគ្រប់គ្រាន់ ដើម្បីគាំទ្រគំនិតសំខាន់ ។
- ល្បះនីមួយៗត្រឹមត្រូវ តាមក្បួនវេយ្យាករណ៍ ។
- ប្រើទម្រង់ល្បះផ្សេងៗ ក្នុងការពណ៌នា ។
- ការបញ្ចប់ ឬសេចក្តីសន្និដ្ឋាន ជាល្បះចុងក្រោយរបស់កថាខណ្ឌ ។